Ռուսաստանը լռության ռեժիմ է հայտարարում Մարիուպոլից և Վոլնովախայից հեռացող խաղաղ բնակիչների համար
Աշխարհ
Ռուսաստանը լռության ռեժիմ է հայտարարել Մարիուպոլից և Վոլնովախայից խաղաղ բնակիչների դուրս գալու համար. լրագրողներին հայտնել են ՌԴ պաշտպանության նախարարությունից։
«Այսօր՝ մարտի 5-ին, Մոսկվայի ժամանակով ժամը 10-ից ռուսական կողմը լռության ռեժիմ է հայտարարում և մարդասիրական միջանցքներ բացում Մարիուպոլից և Վոլնովախայից խաղաղ բնակիչների դուրս գալու համար»,- հայտնել են նախարարությունից, նաև` հավելել, որ ուկրաինական կողմի հետ համաձայնեցվել են մարդասիրական միջանցքները և ելքի ուղիները։
Ավելի վաղ Ուկրաինայի նախագահ Վլադիմիր Զելենսկիի գրասենյակի ղեկավարի խորհրդական Միխայիլ Պոդոլյակը հայտնել էր, որ, Կիևի տվյալներով, Վոլնովախան ցանկանում է լքել մոտ 20 հազար խաղաղ բնակիչ, իսկ Մարիուպոլը՝ 200 հազար։
Այժմ այս երկու քաղաքները վերահսկվում են Ուկրաինայի զինված ուժերի կողմից, սակայն արգելափակված են աշխարհազորայինների կողմից։
